अखबार नेपाल ट्रेन्डिङ

लिग लिडर बार्सिलोनाले स्पेनिस ला लिगा फुटबलमा रियल मड्रिडलाई पराजित गरेको छ ।

गएराति भएको एल क्लासिको भिडन्तमा बार्सिलोनाले रियल मड्रिडलाई १-० गोल अन्तरले पराजित गरेको हो । बार्सिलोनाको जितमा ईभान राकिटिकले विजयी गोल गरे । घरेलु मैदानमा रियलले बराबरीको कोशिश गरेपनि त्यो सफल हुन सकेन । कोपा डेल रे फुटबलमा बार्सिलोनासँग ब्यहोरेको हारको बदला लिने अवसर रियलले गुमाउन पुग्यो ।

दोस्रो सेमिफाइनलमा रियल पराजित हुँदै रियल प्रतियोगिताबाट बाहिरिएको थियो । खेलको २६औं मिनेटमा राकिटिकले गोल गर्दै बार्सिलोनालाई अग्रता दिलाएका थिए । पहिलो हाफमा अग्रता बनाएको बार्सिलोनाले दोस्रो हाफमा खेल रक्षात्मक खेल्दै आफ्नो अग्रतालाई कायमै राख्न सफल भयो । शीर्ष स्थानमा रहेको बार्सिलोनाले जितसँगै २६ खेलबाट ६० अंक बनाएको छ ।

पराजित रियलको भने २६ खेलबाट ४८ अंक छ । ला लिगा लिगअन्तर्गत गएराति नै भएका अन्य खेलमा स्पानियोलले रियल भ्यालडोलिडलाई ३-१ ले, अलभेसले भिलारियललाई २-१ ले र ले अलभेसलाई हुइस्काले सेभियालाई २-१ गोलअन्तरले पराजित गरेका छन् ।।