अखबार नेपाल ट्रेन्डिङ

काठमाडौं: भारतीय सेनाध्यक्ष धिरज सेठले आज प्रधानमन्त्री एवं रक्षामन्त्री बालेन्द्र शाहसँग भेटवार्ता गर्दैछन् । आइतबार प्रधानसेनापति अशोकराज सिग्देलको निमन्त्रणामा चार दिने नेपाल भ्रमणमा आएका सेठलाई सोमबार राष्ट्रपति रामचन्द्र पौडेलले नेपाली सेनाको मानार्थ सेनापतिको सम्मान प्रदान गरेका थिए ।

गत जुन ३० मा भारतीय सेनाको नेतृत्वमा सम्हालेका जनरल सेठले कार्यभार सम्हालेको ६ महिनाभित्रै पहिलो विदेश भ्रमणका रुपमा नेपाल आएका हुन् । नेपाल र भारतका सेना प्रमुख एक अर्काका मुलुकका मानार्थ सैन्य प्रमुख हुने परम्परा छ ।

सन् १९५० देखि नेपाल र भारतबीचको विशेष सैन्य सम्बन्धको महत्त्वपूर्ण प्रतीकका रूपमा दुवै देशका प्रधानसेनापतिलाई एक-अर्को देशको मानार्थ महारथीको दर्जा दिने परम्परा रहँदै आएको छ । यसलाई विशेष सैन्य सम्बन्धको महत्त्वपूर्ण प्रतीकका रूपमा लिइन्छ । यो परम्परा नेपाल र भारतबीच कूटनीतिक सम्बन्ध स्थापना भएको वर्ष सन् १९५० देखि सुरु भएको हो । भारतीय सेनाका प्रथम प्रधानसेनापति जनरल के.एम. करिअप्पा नेपालबाट मानार्थ महारथीको दर्जा प्राप्त गर्ने पहिलो भारतीय सेना प्रमुख हुन् ।

नेपाली सेनाका तत्कालीन प्रधानसेनापति जनरल किरण शमशेर राणालाई भारतबाट मानार्थ महारथीको दर्जा प्राप्त गर्ने पहिलो नेपाली सेना प्रमुखका रूपमा उल्लेख गरिन्छ ।