अखबार नेपाल ट्रेन्डिङ

काठमाडौं: चलचित्र पत्रकार संघ नेपालका निवर्तमान अध्यक्ष दिनेश सिटौलाको निधन भएको छ । ग्राण्डी अस्पतालले जारी गरेको विज्ञप्ति अनुसार सिटौलाको आज दिउँसो १२:४५ बजे निधन भएको हो । उनको आजै पशुपति आर्यघाटमा दाहसंस्कार गर्ने तयारी छ ।

अछाममा राष्ट्रिय स्वतन्त्र पार्टी (रास्वपा) का वरिष्ठ नेता बालेन्द्र शाहको चुनावी प्रचारमा सहभागी हुँदा उनको स्वास्थ्यमा समस्या देखिएको थियो । अछामबाट उनलाई नेपाली सेनाको हेलिकोप्टरबाट उद्धार गरी सुर्खेत हुँदै काठमाडौं ल्याइएईएको थियो ।

४५ वर्षीय सिटौला पछिल्लो समय फिल्महरूका मिडिया संयोजकका रुपमा सक्रिय थिए । उनले एक सिने अनलाइन पनि सञ्चालन गर्दै आएका थिए । सिटौला अविवाहित थिए । उनका पिता, एक दिदी र दुई दाजुभाइ छन् ।