अखबार नेपाल ट्रेन्डिङ

काठमाडौं: नेपाल प्रिमियर लिग (एनपीएल)को दोस्रो संस्करणको उद्घाटन खेलमा साबिक विजेता जनकपुर बोल्ट्स र काठमान्डु गुर्खाज भिड्ने भएका छन् । प्रतियोगितामा जनकपुर बोल्ट्ससँगै साबिक उपविजेता सुदूरपश्चिम रोयल्स, लुम्बिनी लायन्स, काठमान्डु गोर्खाज, विराटनगर किङ्स, चितवन राइनोज र पोखरा एभेन्जर्स गरी ७ टोलीले प्रतिस्पर्धा गर्नेछन् ।

यो संस्करणको उद्घाटन खेल मंसिर १ गते अर्थात नोभेम्भर १७ मा जनकपुर बोल्ट्स र काठमाडौं गोर्खाजबीच खेल हुनेछ । लिग चरणका खेलहरू नोभेम्बर १७ देखि डिसेम्बर ७ सम्म चल्नेछन् । खेलहरू दुई सत्रमा सञ्चालन हुनेछन् । पहिलो खेल बिहान ११:४५ बजे र दोस्रो खेल दिउँसो ४ बजे सुरु हुने नेपाल क्रिकेट संघ (क्यान)ले जनाएको छ ।

लिग चरणपछि डिसेम्बर ९ मा अंक तालिकामा शीर्ष र दोस्रो स्थान रहने टोलीबीच क्वालिफायर १ को खेल हुनेछ । त्यसपछि डिसेम्बर १० मा तेस्रो र चौथो स्थानमा रहने टोलीबीच एलिमिनेटर हुनेछ । क्वालिफायर १ को पराजित र एलिमिनेटरको विजेता टोलीबीच डिसेम्बर ११ मा क्वालिफायर २ खेलिनेछ । यी सबै चरण पार गरेर फाइनलमा पुग्ने दुई टोली फाइनल खेल्नेछन् ।