अखबार नेपाल ट्रेन्डिङ

काठमाडौः ‘टुङ्ना ताप्स्यो दिश दाःर्स्यो, ईके नु आँके थुँ गार्स्यो’ (टुङ्ना बजाएको कति राम्रो, तिम्रो र मेरो मन मिलेको) सुनुवार भाषाको यो म्यूजिक भिडियो अमरदीप सुनुवारको यूट्यूव च्यानलबाट सार्वजानिक गरिएको छ ।

सुनुवार समुदायको भेषभुषामा सजिएर अभिनय गरेका सुनुवारहरुले यो भिडियोमा रम्बुले बजार (मेला)मा भेटघाट गरि रमाईलो गरि नाचगान गरेको देखाईएको छ । सुनुवार युवायुवतीले मेलामा माया प्रिती गाँसेको देखाईएको छ । गोदावरीमा छायांकन गरिएको यस म्यूजिक भिडियोमा सुनुवारहरुको जमघट पनि धेरैको संख्यामा देख्न सकिन्छ ।

सुनुवार भाषामा आधारित टिपिकल शब्दले भरिएको यस गीतको शब्द अमरदीप सुनुवारले लेखेका हुन भने संगीत रामकुमार पौडेलको रहेको छ । त्यस्तै यस गीतलाई विष्णु तामाङले एरेञ्ज गरेका छन् भने सुरेश राईले गीत रेकर्डिङ गरेका हुन् ।

सुनुवार समुदायबाट नव उदयीमान मोडल सुजन सुनुवारको अभिनयले ठेट सुनुवारको लवज देखिन्छ र भिडियोको सुन्दरतामा रंग भरिदिएको छ । उनलाई स्वयम् गायिका कल्पना सुनुवार लगायत धेरैको संख्यामा उपस्थित सुनुवारबन्धुहरुले अभिनयमा साथ दिँदा भिडियो उत्कृष्ट बनेको छ ।

पीआर प्रोडक्सनको व्यानरमा बनेको यस म्यूजिक भिडियोमा बृहसमान सुनुवारले कोरियोग्राफी गरेका छन् भने छायांकनमा सनम तामाङ, सम्पादनमा रमेश राई, टेक्निकल हेडमा तईलन राई र श्रृंगारमा सर्मिला सुनुवार रहेका छन् ।

भिडियो लिंकः