अखबार नेपाल ट्रेन्डिङ

एजेन्सीः इजरायलले गरेको आक्रमणको प्रतिकार स्वरूप इरानले बालिस्टिक मिसाइल प्रहार गरेको छ । अन्तर्राष्ट्रिय सञ्चारमाध्यमका अनुसार जेरुसेलमबाट धुवाँको मुस्लो तेल अभिभतर्फ गइरहेको प्रत्यक्षदर्शीलाई उद्धृत गर्दै समाचार लेखेका छन् ।

एक दिन अघि इरानको आणविक केन्द्रमा आक्रमण गरेको इजरायलले इस्फाहनको आणविक संरचना पुरै ध्वस्त भएको जनाएको थियो । आक्रमण गरे लगत्तै इरानले इजरायलले ठुलो क्षति सहनुपर्ने बताएको थियो । ‘ट्रु प्रोमिस थ्री’ नामको सो आक्रमणको सुरुवातमा नै धेरै स्थानमा प्रहार गरिएको रेभुलेसनरी गार्डले जनाएको छ । इरानले इजरायलका दुई जेट विमान खसालिएको बताएको छ ।

इरानले मिसाइल आक्रमण सुरु गरेको केही मिनेटपछि नै इजरायलका प्रधानमन्त्री बेन्जामिन नेतान्याहुले ‘अपरेसन राइजिङ लायन’को लक्ष्य इरानको बालिस्टिक र आणविक चुनौतीलाई नै खत्तम गर्ने भएको बताएका छन् । नेतान्याहुले यो आक्रमण इरानको सर्वसाधारणको विरुद्धमा नभएर त्यहाँको आणविक र सैन्य भौतिक संरचनाको विरुद्धमा भएको बताएका छन् । प्रधानमन्त्रीका प्रवक्ताले पनि सबै इजरायलीलाई सुरक्षित स्थानमा जानका लागि भनेका छन् ।