अखबार नेपाल ट्रेन्डिङ

काठमाडौं: महिला त्रिकोणात्मक टी-२० सिरिज अन्तर्गत आज नेदरल्याण्डस् र थाइल्याण्डबीच प्रतिष्पर्धा हुँदैछ । त्रिवि क्रिकेट मैदानमा हुने खेल मध्यान्ह १२:१५ बजेदेखि शुरु हुनेछ ।

जारी सिरिजमा अहिलेसम्म थाइल्याण्डले खेलेका ४ खेलमा चारै खेल जितेर ८ अंकसहित शीर्ष स्थानमा छ । त्यस्तै नेदरल्याण्डसले भने अहिलेसम्म खेलेका ५ मध्ये ३ खेलमा जित हासिल गरेको छ र ६ अंकसहित दोस्रो स्थानमा छ । यो खेल थाइल्याण्डले जितेमा त्रिकोणात्मक सिरिजको उपाधि जित्ने छ भने नेदरल्याण्डसले जितेमा उसको सम्भावना कायम रहने छ । नेपाल भने सिरिजमा पाँचै खेलमा हार बेहोरेर उपाधि जितको दौडबाट यसअघि नै बाहिरिएको छ ।