अखबार नेपाल ट्रेन्डिङ

दाङ: तुलसीपुरको नयाँ बसपार्कमा एक वृद्धा बसभित्रै सामूहिक बलात्कारमा परेकी छन् । गएराति पार्किङ गरिएको ना. ४ ख ७८४८ नम्बरको बसमा प्युठानकी ७३ वर्षीया वृद्धालाई गाडीका स्टाफले सामूहिक बलात्कार भएको प्रहरीले जानकारी दिएको छ ।

बलात्कारमा संलग्न तुलसीपुर-१५ का ३० वर्षीय पुष्कर रोका र सल्यान कुमाख गाउँपालिका- ७ का २० वर्षीय रेशम विकलाई इलाका प्रहरी कार्यालय तुलसीपुरले घटनास्थलबाटै पक्राउ गरेको छ । बसभित्र महिलाको चित्कार सुनेपछि सर्वसाधारणले प्रहरीलाई खबर गरेका थिए । लगत्तै खटिएका प्रहरीले वृद्धामाथि पालैपालो बलात्कार गरिरहेका युवालाई प्रहरीले नियन्त्रणमा लिएको हो । घटनाको प्रहरीले अनुसन्धान गरिरहेको छ ।