अखबार नेपाल ट्रेन्डिङ

काठमाडौं: कतारमा जारी फिफा विश्वकप फुटबल अन्तर्गत क्वाटरफाइनलको समीकरण पुरा भएको छ । गएराति राउण्ड १६ का अन्तिम खेलहरु सकिएसँगै क्वाटरफाइनलको समिकरण पुरा भएको हो ।

राउण्ड १६ मा रहेका १६ टिम मध्ये ८ टिममा फ्रान्स, क्रोएसिया, ब्राजिल, अर्जेन्टिना, इंग्ल्यान्ड, नेदरल्यान्ड्स, मोरक्को र पोर्चुगल क्वाटरफाइनलमा प्रवेश गरेका छन् ।

यसैबीच स्वीट्जरल्यान्ड, स्पेन, दक्षिण कोरिया, जापान, पोल्याण्ड, सेनेगल, अमेरिका र अष्ट्रेलिया राउण्ड १६ बाटै बाहिरिएका छन् ।

विश्वकपमा क्वाटरफाइनलका खेल शुक्रबारबाट शुरु हुनेछ । पहिलो क्वाटरफाइनलमा ब्राजिल र क्रोएसियाबीच प्रतिस्पर्धा हुनेछ । यी दुईबीचको खेल नेपाली समय अनुसार राती ८:४५ बजे सुरु हुनेछ ।

त्यस्तै दोस्रो क्वाटरफाइनलमा अर्जेन्टिना र नेदरल्यान्ड्सबीच प्रतिस्पर्धा हुनेछ । यी दुईबीचको खेल नेपाली समय अनुसार मध्यराती १२:४५ बजे सुरु हुनेछ ।

यस्तै तेस्रो क्वाटरफाइनलमा मोरक्को र पोर्चुगलबीच प्रतिस्प्रधा हुने छ । यी दुईबीचको खेल शनिबार राती ८:४५ बजे सुरु हुनेछ भने फ्रान्स र इंग्ल्यान्डको खेल मध्यराती १२:४५ बजे हुनेछ ।