अखबार नेपाल ट्रेन्डिङ

बुटवल: रुपन्देहीको ओमसतियामा मध्यरातमा गोली चलेको छ । गोली लागी एक जना घाइते भएका छन् ।

अज्ञात समूहले चलाएको गोली लागेर सिद्धार्थनगर नगरपालिका १ बेलहियाका अन्दाजी २५ वर्षीय विकास गुरुङ घाइते भएको प्रहरीले जनाएको छ ।

नम्बर नखुलेको पल्सर मोटरसाइकलमा सवार तीन जनाको समूहले मोटरसाइकलमै सवार गुरुङमाथि ओमसतिया-४ बसन्तपुरमा आइतबार राति पौने १२ बजेतिर एक राउण्ड गोली हानेका प्रहरीले जनाएको छ ।

गोली पेटको बायाँतर्फ लागेको छ । उनको युनिभर्सल मेडिकल कलेज भैरहवामा उपचार भइरहेको र अवस्था खतरामुक्त रहेको जिल्ला प्रहरी कार्यालय रुपन्देहीले जनाएको छ । गोली चलाउनेहरुको खोजी भईरहेको प्रहरीले जनाएको छ ।