सिट बाँडफाँडबारे छलफल गर्न सत्तागठबन्धनको बैठक बस्दै
वि.सं.२०७९ साउन ३० सोमवार ०८:१७
काठमाडौं: मंसिर ४ गते हुने निर्वाचनका लागि सिट बाँडफाँड गर्नेबारे छलफल गर्न सत्तागठबन्धनको वैठक बस्दैछ ।
सत्ता गठबन्धनले बनाएको सिट बाँडफाँट कार्यदलको बैठक अपरान्ह ४ बजे बालुवाटारमा बस्ने भएको हो ।
नेपाली कांग्रेसका पूर्वमहामन्त्री कृष्णप्रसाद सिटौला रहेको कार्यदलमा ५ दलीय गठबन्धनबाट दुई दुई जना सदस्य रहेका छन् ।
गत साउन २० मा सत्ता गठबन्धनका शीर्ष नेताको बैठकले मंसिर ४ को प्रतिनिधि सभा र प्रदेश सभा चुनावमा गठबन्धन गरेर जाने औपचारिक सहमतिपछि सिट बाँडफाँट गर्न कार्यदल बनेको थियो ।
उक्त कार्यदलले सिट बाँडफाँटको मोडालिटीबारे छलफल गरेको छ। स्थानीय चुनाव, संसदमा अहिले दलहरूको प्रतिनिधित्वको अवस्था, २०७४ को चुनावमा दलहरूले ल्याएका मतलगायत आधारमा सिट बाँडफाँट गर्ने तयारी गरेको छ ।
वि.सं.२०७९ साउन ३० सोमवार ०८:१७