अखबार नेपाल ट्रेन्डिङ

काठमाडौं: ‘रिचिङ द पिनाकल २०७९/८०’ नाराका साथ नेशनल लाइफ इन्स्योरेन्सले चार दिने वार्षिक सम्मेलन एनुअल बिजनेश लिडर्स कन्क्लेभ लुम्बिनीमा सम्पन्न गरेको छ ।

आर्थिक वर्ष २०७८/७९ मा उत्कृष्ट व्यवसाय गर्दै तोकिएको लक्ष्य पुरा गर्ने शाखाहरुलाई सम्मान र पुरस्कृत गरिएको कम्पनीले जनाएको छ ।

जीवन बीमा व्यवसायसँग सम्बन्धित वर्तमान पाटो बारे विवेचना गरी आगामी वर्षको लागि स्पष्ट खाका कोर्ने उदेश्यले कम्पनीका प्रमुख कार्यकारी अधिकृत सुरेश प्रसाद खत्रीको सभापतित्वमा सम्मेलन आयोजना गरिएको हो ।

सम्मेलनमा विभागीय प्रमुख तथा देशैभरीबाट प्रदेश प्रमुख, शाखा प्रमुख र मार्केटिङ कर्मचारीहरु गरी १५० जना भन्दा बढीको सहभागिता रहेको कम्पनीले जनाएको छ ।

प्रमुख कार्यकारी अधिकृत खत्रीले जीवन बीमा व्यवसाय झनै प्रतिष्पर्धात्मक र जटिल हुँदै गइरहेको स्थितीमा आफ्नो दक्षता र मेहेनतले कम्पनीको व्यवसाय वृद्धि गर्नुपर्ने दायित्व आएको बताए ।

आपसी समन्वय गरी तोकिएको व्यवसायिक लक्ष्य पुरा गर्दै कम्पनीलाई बीमा बजारमा अग्रस्थानमा पुर्‍याउन सबैले अधिकतम प्रयास गर्नुपर्ने सुझाव उनले दिए ।

आव २०७८/७९ मा उत्कृष्ट व्यवसाय गर्ने पाँच शाखा कार्यालय लगायत वार्षिक लक्ष्य पुरा गर्ने शाखा कार्यालयहरु र विभिन्न विधामा उत्कृष्ट रहेका शाखा कार्यालयहरुलाई प्रमुख कार्यकारी अधिकृत खत्रीले सम्मान तथा पुरस्कृत गरिएको बताइएको छ ।