अखबार नेपाल ट्रेन्डिङ

काठमााडौँ : गठबन्धनमा रहेको तेस्रो ठुलो दल नेकपा एकीकृत समाजवादीले गठबन्धनमा २० देखि २५ प्रतिशत सिट दाबी गर्ने भएको छ ।

मंसिर ४ गते हुने प्रतिनिधिसभा र प्रदेशसभाको निर्वाचनमा उक्त प्रतिशत हिस्सा आफूलाई दिन समाजवादीले गठबन्धनको वैठकमा आग्रह गर्ने भएको हो । आज दिउसो गठबन्धनको वैठक बस्दैछ ।

यो आधारमा समाजवादीले १६५ सिटमा २० प्रतिशतको हिसाव निकाल्दा हुँदा ३२ सिटमा दाबी गर्नेछ भने २५ प्रतिशत हुँदा ४२ सिटमा दाबी पेश गर्ने भएको छ । सोही अनुसार उसले प्रदेशतर्फ पनि सिटको दावी गर्ने तयारी गरेको नेताहरुको भनाइ रहेको छ ।

समाजवादीमा अहिले २४ जना संघीय सांसद रहेका छन् । प्रदेशमा ६० जना छन् यो हिसाबमा ८४ सांसद हुन्छ । यसमा केही थप हुनुपर्छ, जबकी ९० देखि सय जना आफ्नो सांसद हुनुपर्ने सांसद हुनुपर्ने माग समाजवादीले राखेको छ ।

आगामी बुधबार बस्ने पार्टीको सचिवाल वैठकमा यसबारे कुरा पनि उठेको थियो । बुधबार बसेको सचिवालय बैठकले उम्मेदवारीको मापदण्ड र छनोट विधिबारे प्रस्ताव तयार पार्ने जिम्मेवारी कार्यदलका सदस्यसमेत रहेका बेदुराम भुसाल र प्रमेश हमाललाई दिएको थियो ।