अखबार नेपाल ट्रेन्डिङ

काठमाडौं: ओमानमा जारी आईसीसी टी-२० विश्वकप छनोट अन्तर्गत नेपालले फिलिपिन्सलाई २१९ रनको लक्ष्य दिएको छ ।

ओमानको अल अमिरात मैदानमा भएको खेलमा टस हारेर ब्याटिङको निम्तो पाएको नेपालले निर्धारित २० ओभरमा ३ विकेट गुमाउँदै २१८ रनको योगफल तयार पारेको हो ।

नेपालका कुशल भुर्तेलले ६१ बल खेल्दै अविजित १०४ रन बनाए ।

कुशल भुर्तेलले जारी टी-२० विश्वकपको ग्लोबल छनोटमा  सानदान शतक प्रहार गरेका छन् ।

योसँगै उनी टी-२० अन्तर्राष्ट्रिय क्रिकेटमा नेपालबाट शतक प्रहार गर्ने तेस्रो खेलाडी बनेका छन् ।

उन्नाइसौं ओभरको तेस्रो बलमा एक रन लिदैँ कुशलले शतक पूरा गरेका हुन् ।

उनले ५७ बलमा शतक पूरा गरेका थिए ।

यसैबीच दीपेन्द्रसिंह ऐरीले ४७ बल खेल्दै ८३ रन बनाए ।

यसअघि आसिफ शेस शून्य र कुशल मल्ल १२ रन बनाएर आउट भएका थिए ।

लोकेश बम ६ रनमा नटआउट रहे ।

फिलिपिन्सविरुद्धको २१८ रन नेपालले टी-२० अन्तर्राष्ट्रियमा बनाएको तेस्रो ठूलो योगफल हो ।

यसअघि नेपालले कीर्तिपुरमा नेदरल्याण्ड्सविरुद्ध २३८ र भुटानविरुद्ध २३६ रन बनाएको थियो ।