अखबार नेपाल ट्रेन्डिङ

काठमाडौं: नेपालमा पछिल्लो २४ घण्टामा ६ हजार ४ सय ६२ जनामा कोरोना भाइरसको संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

मन्त्रालयका अनुसार देशभरका विभिन्न प्रयोगशालामा गरिएको १३ हजार ३ सय ७७ जनाको पीसीआर परीक्षणमा ५ हजार ५ सय ५८ र ४ हजार ६० जनाको एन्टिजेन विधिबाट गरिएको परीक्षणमा ८ सय ६४ जनामा कोरोना पुष्टि भएको छ ।

पछिल्लो २४ घण्टामा कोरोना संक्रमणबाट ४ जनाको मृत्यु भएको छ ।

सोही अवधिमा मुलुकका विभिन्न अस्पतालबाट १ हजार ४ सय १६ जना कोरोना संक्रमणमुक्त भएको मन्त्रालयले जानकारी दिएको छ ।