अखबार नेपाल ट्रेन्डिङ

काठमाडौं: सहिद स्मारक ‘ए’ डिभिजन लिग फुटबल अन्तर्गत आजबाट सातौं चरणका खेलहरु त्रिपुरेश्वरस्थित दशरथ रंगशालामा सुरु हुँदैछन् ।

लिगको सातौं चरण अन्तर्गत पहिलो खेलमा दुई विभागीय टोली सशत्र प्रहरीको एपीएफ क्लब र त्रिभुवन आर्मी क्लबबीच प्रतिस्पर्धा हुनेछ ।

एपीएफ र आर्मीबीचको विभागीय डर्बी खेल दिउँसो १ बजे सुरु हुनेछ ।

एपीएफ ६ खेलमा ५ अंक जोडेर ११ औं स्थानमा छ ।

एपीएफलाई रेलिगेसनको डर अझै रहेको छ ।

त्यसैले आर्मीलाई हराउँदै एपीएफ अंक तालिका सुधार गर्न चाहन्छ ।

आर्मी जित निकाल्दै उपाधि होड कायम राख्न चाहन्छ ।

आर्मी ६ खेलमा १० अंक जोडेर चौंथो स्थानमा रहेको छ ।

यस्तै दोस्रो खेलमा फ्रेन्ड्स क्लब र एनआरटीबीच खेल हुनेछ ।

फ्रेन्ड्स र एनआरटीबीचको खेल ४:४५ बजे सुरु हुनेछ ।

फ्रेन्ड्स ६ खेलमा ३ अंक जोडेर पुछारमा रहेको छ ।

फ्रेन्ड्सले आज एनआरटीलाई हराएर पहिलो जित निकाल्न चाहन्छ ।

एनआरटी ६ खेलमा ७ अंक जोडेर आठौं स्थानमा रहेको छ ।

लिगमा १४ टोलीले प्रतिस्पर्धा गरिरहेका छन् ।

पुछारका दुई टोली रेलिगेसनमा पर्नेछ ।