अखबार नेपाल ट्रेन्डिङ

एजेन्सी: इंग्लिस प्रिमियर लिगमा म्यानचेस्टर युनाइटेडले सहज जित निकालेको छ ।

घरेलु मैदानमा युनाइटेडलाई बर्नलीलाई ३–१ ले पराजित गरेको हो ।

युनाइटेडको जितमा रोनाल्डोसँगै स्कट म्याक टोमिनेले गोल गरे ।

एक गोल उपहार पाएको थियो ।

बर्नलेका लागि आरोन लेनननले एक गोल गरे ।

सबै चार गोल पहिलो हाफमा नै भएको थियो ।

खेलको ८औं मिनेटमा स्कट म्याक टोमिनेको गोलबाट घरेलु टोली युनाइटेडले सुरुवाती अग्रता लिन सफल भयो ।

खेलको २७औं मिनेटमा जेडान सान्चोको गोलले युनाइटेड खेलमा २–० को अग्रता लिन सफल भयो ।

यसैगरी खेलको ३५औं मिनेटमा रोनाल्डोले गोल गर्दै युनाइटेडलाई ३–० ले अघि बढाए ।

३८औं मिनेटमा आरोन लेनननले गोल गर्दै खेललाई पहिलो हाफमा ३–१ को स्थितिमा ल्याए ।

दोस्रो हाफमा दुवै टोलीबाट थप गोल हुन नसक्दा युनाइटेडले सहज जित निकाल्यो ।

जितसँगै युनाइटेड १८ खेलबाट ३१ अंक जोडेर पाँचौ स्थानमा उक्लिएको छ ।

समान ३१ अंक नै रहेपनि वेस्ट ह्याम गोल अन्तरमा अघि छ ।

वेस्टह्यामले एक खेल बढी खेलेको छ ।

एक खेल कम खेलेको टोटेनहमको ३० अंक छ ।

पराजित बर्नली ११ अंक जोडेर रेलिगेसन जोनको १८औं स्थानमा रहेको छ ।