अखबार नेपाल ट्रेन्डिङ

काठमाडौं: जारी सहिद स्मारक ‘ए’ डिभिजन लिग फुटबलमा एपीएफ क्लब र न्युरोड टिम एनआरटीले बराबरी खेल्दै अंक बाडेका छन् ।

निकै नै रोमाञ्जक बनेको खेलको सुरुआती अग्रता भने एनआरटीले बनाएको थियो ।

एनआरटीले खेलको ३२औं मिनेटमा दर्शन गुरुङले गोल गर्दै एनआरटीलाई सुरुआती अग्रता दिलाएका थिए ।

तर, खेलको ३७औं मिनेटमा आशिष लामाले गोल गर्दै एपीएफलाई १-१ गोलको बराबरीमा फर्काए ।

खेलको दोस्रो हाफमा दुबै टोलीले थप २-२ गोल गरे ।

खेलको ४८औं मिनेटमा दर्शनले व्यक्तिगत दोस्रो गोल गर्दै एनआरटीलाई २-१ को अग्रता दिलाए ।

खेलको ६०औं मिनेटमा मेसुकेले गोल गरेपछि एनआरटी ३-१ ले अघि रह्यो ।

६५औं मिनेटमा एपीएफका दिपेश धिमालले गोल गर्दै खेल ३-२ को स्थितिमा ल्याए ।

त्यसपछि खेलको ६९औं मिनेटमा नविन लामाले गोल गर्दै खेललाई ३-३ गोलको बराबरीमा ल्याउदै एपीएफलाई हारबाट जोगाए ।

बराबरीसँगै एपीएफले ६ खेलमा ५ अंक जोडेको छ ।

एनआरटीले ६ खेलमा ७ अंक जोडेको छ ।