अखबार नेपाल ट्रेन्डिङ

एजेन्सी: इंग्लिस प्रिमियर लिगमा म्यानचेस्टर सिटीले एस्टन भिल्लालाई २–१ गोल अन्तरले पराजित गरेको छ ।

बुधबार राति भएको खेलमा खेलको २७औं मिनेटमा रुवेन डियासले गोल गर्दै सिटीलाई १–० को अग्रता दिलाए । उनले रहिम स्टर्लिङको पासमा गोल गरेका थिए ।

खेलको ४३औं मिनेटमा बर्नार्डा सिल्भाले गाब्रियल जेससको पासमा गोल गर्दै सिटीको अग्रता दोब्बर पारे ।

एस्टन भिल्लाका लागि ४७औं मिनेटमा ओले वाट्किन्सले डुगलस लुइजको पासमा गोल गर्दै खेललाई २–१ को अवस्थामा ल्याए ।

जितसँगै सिटीको १४ खेलबाट ३२ अंक छ । शीर्षस्थानको चेल्सीको ३३ अंक छ । पराजित भिल्ला १६ अंक जोडेर १३औं स्थानमा रहेको छ ।