अखबार नेपाल ट्रेन्डिङ

काठमाडौं: नेपाली कांग्रेसको १४औं महाधिवेशनका लागि ९ दिन बाँकी रहँदा ६१ जिल्लामा कांग्रेसको अधिवेशन सम्पन्न भइसकेका छन् ।

अझै १६ जिल्लामा अधिवेशन सम्पन्न हुन बाँकी रहेका छन् । ढिलो गरी अधिवेशन सुरू भएको २ नम्बर प्रदेशका ८ जिल्लामा अधिवेशन हुन सकेको छैन ।

सुदूरपश्चिम प्रदेशको अछाम, लुम्बिनी प्रदेशको बाँके, गण्डकी प्रदेशको नवलपरासी (बर्दघाट सुस्ता पूर्व) र वागमती प्रदेशको चितवन, मकवानपुर र सिन्धुपाल्चोकमा जिल्ला अधिवेशन भएका छैनन् ।

यद्यपि ती जिल्लामा क्षेत्रीय अधिवेशन सम्पन्न भएर महाधिवेशन प्रतिनिधि चयन कार्य सम्पन्न भइसकेकोले प्रदेश र केन्द्रीय महाधिवेशनमा सहभागिता जनाउन बाधा नपर्ने देखिन्छ ।

प्रदेश २ मा भने अधिकांश जिल्लामा क्षेत्रीय अधिवेशन हुन सकेका छैनन् । क्षेत्रीय अधिवेशन हुन नसके प्रदेश २ को प्रादेशिक अधिवेशन नै प्रभावित हुनसक्छ ।

अधिवेशन सकिने बाँकी जिल्लाहरू :

१. कैलाली

२.बाँके

३.सिन्धुली

४.चितवन

५.मकवानपुर

६.बारा

७. धनुषा

८. महोत्तरी

९. पर्सा

१०. रौतहट

११. सर्लाही

१२. सप्तरी

१३. सिराहा

१४. सिन्धुपाल्चोक

१५. नवलपरासी (बर्दघाटपूर्व)

१६. अछाम