अखबार नेपाल ट्रेन्डिङ

एजेन्सीः इंग्लिस फुटबल लिगअन्तर्गतको काराबाओ कपमा प्रिमियर क्लब लिभपरपुलले प्रिस्टोनलाई पराजित गर्दै अन्तिम आठमा पुगेको छ ।

बुधबार राति डिपाडेल रंगशालामा सम्पन्न खेलमा लिभरपुलले प्रिस्टोनमाथि २–० गोलको जित निकालेको हो ।

लिभपरपुलको जितका लागि ताकुमी मिनमिनो र डिभोव ओरिगीले समान १–१ गोल गरे ।

बुधबार रातिकै अर्को खेलमा भने टोटेनहम हट्स्परले बर्नलीलाई १–० गोलअन्तरले हराएको छ ।

यससँगै टोटेनहम अघिल्लो चरणमा पुगेको छ भने बर्नली बाहिरिएको छ।

म्यानचेस्टर सिटी लिग कपबाट बाहिरियो

साविकको विजेता म्यानचेस्टर सिटी इंग्लिस फुटबल लिग कप (कारवाओ) कपको प्रि–क्वाटरफाइनलबाटै बाहिरिएको छ ।

लगातार चार पटकको च्याम्पियन म्यानचेस्टर सिटी प्रिमियर लिग क्लब वेस्ट ह्याम युनाइटेडसँग पेनाल्टी सुटआउटमा ५–३ ले पराजित हुदै अन्तिम १६ बाटै बाहिरिएको हो ।

वेस्टह्यामको मैदानमा बुधबार राति भएको खेलको निर्धारित समय र अतिरिक्त समयमा कुनै गोल निस्कन नसकेपछि खेल पेनाल्टीमा धकेलिएको थियो ।

जसमा घरेलु टोलीले बाजी मारेको छ ।

पेनाल्टीमा घरेलु टोलीका सबै पाँच खेलाडीले गोल गर्न सफल भए ।

मार्क नोव्ले, जरोड वोवेन, क्रेइग डावसन, आरोन क्रेसवेल र सेड बेनरहमाले गोल गरे ।

सिटीको पहिलो पेनाल्टी नै चुकेको थियो ।

फिल फोडेनले गोल गर्न सकेनन् ।

जोओ क्यान्सेलो, गाब्रियल जेसस र ज्याक ग्रेलिसले गोल गर्न सफल भएपनि हार टार्न सकेन ।

अर्को खेलमा प्रिमियर लिग क्लब ब्रेन्टफर्डले च्याम्पियनसिप क्लब स्टोक सिटीलाई २–१ ले पराजित गर्दै क्वाटरफाइनलमा स्थान बनाएको छ ।

ब्रेन्टफर्डको जितमा सेर्गी कानोस र इभान टोनीले गोल गरे ।

स्टोकका रोमाइनी सयर्सले एक गोल फर्काए ।

यो सँगै कारवाओ कपको क्वाटरफाइन समिकरण पुरा भएको छ ।

आर्सनल, चेल्सी, सन्डरल्यान्ड, लेस्टर, लिभरपुल, टोटेनहम, ब्रेन्टफर्ड र वेस्टह्यामले अन्तिम आठमा स्थान बनाएका छन् ।

क्वाटरफाइनल ‘ड्र’ आइतबार हुनेछ ।

यो पनि पढ्नु होस्ः