अखबार नेपाल ट्रेन्डिङ

काठमाडौं : साफ च्याम्पियनसिप फुटबलमा नेपाल आज राउन रोविने अन्र्तगत तेस्रो खेल भारतसँग खेल्दैछ ।

साफ च्याम्पियनिसिपको सर्वाधिक ७ पटकको बिजेता भारत र अहिलेसम्म उपाधि जित्न नसकेको नेपालबीच आज माल्दिभ्सको राजधानी मालेमा एकआपसमा भिड्न्ता हुने भएको छ ।

नेपाल र भारत दुबैका लागि निकै महत्त्वपूर्ण रहेको आजको खेलमा दबाब भने भारतलाई हुने छ ।

यसअघिका दुई खेलबाट छ अंकका साथ शिर्ष स्थानमा रहेको नेपाल कम्तिमा बराबरी खेल्ने लक्ष्यमा रहँदा भारतले जित्नैपर्ने दबाबमा हुनेछ ।

साफ च्याम्पियनसिप फुटबलमा भारतले यसअघिका दुबै खेलमा बराबरी खेलेको छ ।

त्यसैले भारत तेस्रो खेलमा जित निकाल्दै फाइनल पुग्ने सम्भावना कायम राख्न चाहन्छ ।

आजको खेल जिते नेपाल एक खेल अघि नै प्रतियोगिताको फाइनल पुग्नेछ ।

यसो हुन सके नेपालका लागि अहिलेसम्मकै ठूलो सफलता हुनेछ ।

आज बराबरी खेलेको अवस्थामा पनि नेपालको फाइनल प्रवेश सहज त बन्नेछ ।

तर त्यसमा बाँकी रहेको बंगलादेशसँगको खेलको नतिजा महत्वपूर्ण हुनेछ ।

सन् २०१३ मा नेपालमा भएको साफ च्याम्पियनसिपमा भारत माथि जित निकाल्दै ऐतिहासिक रूपमा सेमिफाइनल नेपाल प्रवेश गरेको थियो ।

साफ च्याम्पियनसिपको इतिहासमा नेपालको त्यो भारतमाथिको पहिलो जित थियो भने समग्रमा दोस्रो जित ।

त्यसयताका ८ वर्षमा फेरी नेपालले उक्त इतिहास दोहोर्यािउन सकेको छैन । त्यसैले यो पटक ८ वर्षपछि नेपाल भारतलाई पराजित गर्ने लक्ष्यमा छ ।

तत्कालीन समयमा नेपाल समूह ‘ए’ मा बंगलादेश र पाकिस्तान सँगै भारतसँग परेको थियो ।

नेपाल र भारतले अहिलेसम्म २१ पटक प्रतिस्पर्धा भएको छ ।

जसमा अधिकांश खेल दक्षिण एसियाली फुटबल प्रतियोगितामा नै हो ।

नेपाल र भारतले यसअघि ६ पटक त साफ च्याम्पियनसिपमा मात्रै प्रतिस्पर्धा गरेका छन् ।

यो पनि पढ्नु होस्ः

विश्वकप छनोटमा जर्मनीको नेदरल्यान्ड्स विजयी