अखबार नेपाल ट्रेन्डिङ

रामेछाप:  रामेछाप जिल्लाको खाँडादेवी गाउँ पालिका वडा नं ५ पकरबासका २ जना बालिकाहरुलाई भटौली खोलाले बगाउँदा दुवै जनाको  मृत्यु भएको छ ।

विहिबार दिउँसो पौडि खेल्न खोलामा गएका ३ जना वालिकाहरु मध्ये खाँडादेवी गाउँ पालिका वडा नं ५ का ९ बर्षिया अनिसा तामाङ्ग र १२ बर्षिया मनिता रोका लाइ खोलाले बगाएको हो । मृतक दुवै जना बालिकाहरुको शव पोष्ट मार्टमका लागि सदरमुकाम मन्थली ल्याइएको जिल्ला प्रहरी कार्यालय रामेछापका प्रहरी प्रवक्ता शंकर श्रेष्ठले जानकारी दिए ।

बालिकाहरुको शव पौडि खेल्न गएको स्थान भन्दा करिव २ सय मिटर तल खोला किनारमा फेला परेको प्रहरीले जनाएको छ । घरका परिवारहरुलाइ जानकारी नै नदिइ पौडि खेल्न खोलामा गएका वालिकाहरु मध्ये बाँच्न सफल भएकी एक जना बालिकाले परिवारलाई जानकारी दिएपछि घट्नाको बारेमा परिवारले थाहा पाएको थियो ।

यो पनी पढ्नुहोस् :

लक्ष्मी बैंकले आफ्नो १३५ औँ शाखा सञ्चालनमा ल्यायो