अखबार नेपाल ट्रेन्डिङ

एजेन्सीः एन्टोइन ग्रिजमन बार्सिलोना छाडेर एट्लेटिको मड्रिडमै फर्किएका छन् ।

एट्लेटिकोबाट २ वर्षअघि बार्सिलोना पुगेका ग्रिजमन पुरानै क्लबमा फर्केका हुन् ।

ला लिगा च्याम्पियन एट्लेटिको मड्रिडले पुर्व फरवार्ड एन्टोनी ग्रिजम्यानलाई ट्रान्सफर डेडलाइन डे मा अनुबन्ध गर्न सफल भएको हो ।

एट्लेटिकोले उनलाई बार्सिलोनाबाट दुई वर्षका लागि लोनमा अनुबन्ध गरेको हो ।

अब एट्लेटिकोले ग्रिजमनको तलब तिर्नेछ भने स्थायी स्थानान्तरणका लागि सर्त राखिएको छ ।

सन् २०१९ मा बार्सिलोनाले १०७ मिलियन पाउण्डमा ग्रिजम्यानलाई अनुबन्ध गरेको थियो ।

तर उनले क्याम्पनोउमा सोचे अनुसार खेल देखाउन सकेका थिएन्न ।

लिओनल मेस्सी पेरिस सेन्ट जर्मेनमा अनुबन्ध भएपछि ग्रिजमन बार्सिलोनामै बस्ने अनुमान थियो ।

तर ३० वर्षीय ग्रिजमन एट्लेटिको फर्किए ।

बार्सिलोनाका लागि १०२ खेलमा ३५ गोल गरेका थिए ।

त्यसअघि उनले एट्लेटिको मड्रिडका लागि २५७ खेलमा १३३ गोल गरेका थिए ।

ट्रान्सफर विन्डोको अन्तिम दिन ग्रिजमनसँगै अरु दुई खेलाडीले पनि बार्सिलोना छाडे ।

राइट ब्याक इमर्सन रोयल प्रिमियर लिग क्लब टोटेनहम हट्सपरमा अनुबन्ध हुँदा युवा मिडफिल्डर एलाइक्स मोरिबा जर्मन क्लब आरबी आइपजिग पुगे ।

ग्रिजमनलाई भित्र्याएपछि एट्लेटिकोले साउल निगेजलाई प्रिमियर लिग क्लब चेल्सीमा लोनमा पठाएको छ ।

ग्रिजमनलाई लोनमा पठाए पछि बार्सिलोनाले सेभियाबाट डच खेलाडी लुक डे जोङलाई अनुबन्ध गरेको छ ।

बार्सिलोनाले जोङलाई एक वर्षका लागि लोनमा भित्र्याएको हो ।

उनी २०२२ जुन ३० सम्म बार्सिलोनामा बस्नेछन् ।

बार्सिलोनामा रहँदा उनको तलब बार्सिलोनाले तिर्नेछ ।

यस्तै क्लबमा स्थायी रुपमा अनुबन्ध गर्ने विकल्प समेत राखिउको छ ।

सेभियामा ६९ खेल खेल्दै १० गोल गरेपछि जोङ बार्सिलोनामा पुगेका हुन् ।

सन् २०१४ देखि २०१९ सम्म डच क्लब पिएसभी आइन्डहोभनमा खेलेर उनी सेभियामा अनुबन्ध भएका थिए ।

त्यसअघि उनले डे ग्राफचास, ट्वेन्टे र बोरुसिया मोन्चेनग्लाडबाकबाट खेलेका थिए ।

यो पनिः