अखबार नेपाल ट्रेन्डिङ

एजेन्सीः पेरिस सेन्ट जर्मन (पीएसजी)बाट लियोनल मेस्सीले आइतबार राइम्स विरुद्धको खेलबाट डेब्यु गर्दै छन् ।

यसै सिजन बार्सिलोना छाडेर पेरिस सेन्ट जर्मन (पिएसजी) पुगेका मेस्सीले डेब्युको मौका पाएका थिएनन् ।

पिएसजीले लिग वानको चौथो खेलमा आज राइम्ससँग प्रतिस्पर्धा गर्दै छ ।

खेल नेपाली समय अनुसार मध्यराति साढे १२ बजे हुनेछ ।

सुरुवाती ३ खेलमा बेन्चमा रहेका मेस्सी आजको खेलमा पहिलो रोजाइमा मैदान उत्रन्छन् वा बेन्चमा रहन्छन् भन्ने एकीन भने अझै भएको छैन ।

पिएसजीका फरवर्ड माउरो इकार्डी घाइते भएका कारण मेस्सीले सुरुवाती रोजाइमा खेल्ने सम्भावना पनि छ ।

सुरुवाती रोजाइमा नपरे सम्भवत उनी खेलको अन्तिम ३० मिनेटमा मैदान उत्रन सक्नेछन् ।

कोपा अमेरिकाको उपाधि जितेपछि मेस्सी लामो समय विश्राममा थिए ।

पिएसजीमा पुगेपछि पछिल्लो दुई साता उनी टोलीसँग प्रशिक्षणमा छन् ।

राइम्सविरुद्धको आजको खेलमा मेस्सीसँगै नेमार र केलियन एमबाप्पे एकैसाथ मैदानमा देखिने सम्भावना रहेको छ ।

मेस्सी दायाँ, नेयमार बाँया र एम्वापे सेन्ट्रल भागबाट खेल्ने छन् ।

एम्बापेको बहिर्गमनको चर्चा चलिरहँदा उनी टोलीसँग राइम्सको घरेलु मैदान स्टेड अगुस्टेन पुगेका छन् ।

टोलीका प्रशिक्षक मौरिसियो पोचेटिनोले भने एमबापेले क्लव छाड्ने बारे अहिलेसम्म आफुलाई केही जानकारी नगराएको बताएका छन् ।

यस अघिका तीन खेलमा मेस्सी र नेयमारविनै मैदान उत्रेको पीएसजीले शतप्रतिशत नतिजा निकालेको थियो ।

तीन खेलबाट ९ अंक जोडेको पिएसजी अंक तालिकाको शीर्ष स्थानमा रहेको छ ।

तीनै खेलमा बराबरी गरेको राइम्स तीन अंकसहित तालिकाको १२औँ स्थानमा छ ।

यो पनि पढ्नु होस्ः