अखबार नेपाल ट्रेन्डिङ

काठमाण्डौः राष्ट्रिय खेलकुद परिषद् (राखेप)ले फुटबल विवादबारे गठन गरेको छानबिन समितिले चार जनासँग बयान लिइने भएको छ ।

समितिले आज एन्फा अध्यक्ष कर्माछिरिङ शेर्पासहित चार जनासँग बयान लिने तयारी गरेको छ ।

एन्फाका वरिष्ठ उपाध्यक्ष पंकजविक्रम नेम्वाङ र मुख्य प्रशिक्षक अब्दुल्लाह अल्मुताइरीको उजुरीमा आधारित रहेर समितिले बयान लिने निर्णय गरेको छ ।

वरिष्ठ उपाध्यक्षलाई कारण देखाउँदै मुख्य प्रशिक्षक अल्मुताइरीले राजीनामा दिने घोषणा गरेपछि एन्फामा विवाद भएको थियो ।

युवा तथा खेलकुद मन्त्रालयले छानबिन गर्न राष्ट्रिय खेलकुद परिषद्लाई निर्देशन दिएको छ ।

मन्त्रालयले राखेपका सदस्य पुरेन्द्रविक्रम लाखेको संयोजकत्वमा छानबिन समिति गठन गरेको छ ।

यो पनि पढ्नु होस्ः