अखबार नेपाल ट्रेन्डिङ

एजेन्सीः लिग वान पेरिस सेन्ट जर्मेन (पीएसजी)ले फ्रान्सेली लिग वानमा विजयी सुरुआत गरेको छ ।

नयाँ सिजनको लिग वान पहिलो खेलमा पीएसजीले शनिवार राति ट्रोयसलाई २-१ गोल अन्तरले पराजित गरेको हो ।

पीएसजीको जितमा अचरफ हाकिमी र मउरो इकार्डीले गोल गरे ।

ट्रोयसको ओलिड एल हाजमले गरेको गोल सान्त्वना बन्यो ।

घरेलु मैदानमा भएको खेलमा हाजमले गोल गर्दै ट्रोयसलाई अग्रता दिलाएपनि त्यसलाई जोगाउन नसक्दा पराजित हुन पुग्यो ।

उनले खेलको नवौं मिनेटमा डेलान चाम्बोस्टको पासमा गोल गरेका थिए ।

१९औं मिनेटमा पीएसजीले खेल बराबरीमा ल्याए ।

यसै सिजन इटाली क्लब इन्टर मिलानबाट पीएसजी आएका हाकिमीले गोल गर्दै खेल बराबरीमा ल्याएका थिए ।

उनले एन्डर हेरेराको पासमा गोल गरेका थिए ।

त्यसको दुई मिनेट पछि नै मोउरो इकार्डीले गोल गर्दै पीएसजीलाई २-१ ले अघि बढाए ।

उनले केलियन एमबाप्पेको पासमा गोल गरेका थिए ।

यो पनि पढ्नु होस्ः

अमेरिकाले जित्याे चाैथाे पटक पुरूष बास्केटबलकाे उपाधि