अखबार नेपाल ट्रेन्डिङ

एजेन्सीः टोकियो ओलम्पिक २०२० अर्थत ३२औं ग्रीस्माकालिन खेलकुदको कुम्भ मेला आज अन्तिम दिन रहेको छ ।

सन् २०२० मा हुनुपर्ने टोकियो ओलम्पिक एक वर्ष ढिलो गरी जापानले सफलतापूर्वक सम्पन्न गर्दैछ ।

यसपटकको ओलम्पिक इतिहासमै पृथक रह्यो ।

प्रत्यक्षरुपमा दर्शकहरु खेल हेर्न उपस्थित हुन दिइएन ।

ओलम्पिकमा भएका सबै प्रतियोगिता टेलिभिजनबाट प्रतकक्ष प्रसारण मार्फत खेल हेरिए ।

खेलाडीहरुले पनि खेल्दाबाहेक मास्क अनिवार्य लगाउनुपरेको थियो ।

कतिपय खेलाडी कोरोना भाइरसको संक्रमित हुँदा खेल्न पाएनन् ।

आज ओलम्पिकमा सर्वाधिक स्वर्ण पदक जित्ने देशको टुंगो लाग्दैछ ।

आज विहानसम्म चीन ३८ स्वर्णका साथ अग्रस्थानमा छ ।

अमेरिका ३६ स्वर्णका साथ दोस्रो स्थानमा छ ।

यी दुई देशमध्ये ओलम्पिकमा पहिलो स्थान हासिल गर्ने देशको टुंगो आजै लाग्नेछ ।

आज १३ स्वर्णको छिनोफानो हुँदा चीन र अमेरिकाबीच नै पहिलो र दोस्रो स्थानको प्रतिष्पर्धा हुँदैछ ।

आयोजक जापानले २७ स्वर्णका साथ तेस्रो स्थान पक्का गरिसकेको छ ।

यो पनि पढ्नु होस्ः