अखबार नेपाल ट्रेन्डिङ

चितवन: नयाँ शैक्षिक सत्र २०८३ सुरु हुने तयारीसँगै देशभर विद्यालय भर्ना अभियान सञ्चालन हुन लागेको छ । ‘सबै बालबालिकाको विद्यालयमा सहभागिता, गुणस्तरीय शिक्षा प्राप्तिको सुनिश्चितता’ भन्ने राष्ट्रिय संकल्पलाई केन्द्रमा राख्दै भर्ना अभियानलाई प्रभावकारी बनाउन विभिन्न क्षेत्रबाट सहयोग र सहकार्यका पहलहरू पनि सुरु भएका छन् ।

यसै सन्दर्भमा चितवनको नारायणगढमा सञ्चालित जिएच इन्टरप्राइजेजले विद्यार्थी तथा अभिभावक लक्षित आकर्षक अफर सार्वजनिक गरेको छ। नयाँ शैक्षिक सत्र सुरु हुने समयमा विद्यालय तथा कलेजका विद्यार्थीलाई आवश्यक पर्ने कपी, कलम तथा स्टेसनरी सामग्री सहज रूपमा उपलब्ध गराउने उद्देश्यले यस्तो योजना ल्याइएको सञ्चालक बलराम घिमिरेले जानकारी दिए । उनका अनुसार  ‘एक दर्जन कपी किन्दा चार वटा कपी र एक प्याकेट कलम निःशुल्क’ दिने विशेष अफर ल्याएको छ । यसका साथै विद्यार्थीहरूले खरिद गरेको कपीको परिमाणका आधारमा थप उपहार समेत प्रदान गरिने योजना रहेको उनले बताए ।

सञ्चालक घिमिरेका अनुसार यस्तो योजना ल्याउनुको मुख्य उद्देश्य नयाँ शैक्षिक सत्र सुरु हुने बेलामा अभिभावकलाई हुने आर्थिक भार केही हदसम्म कम गर्नु र विद्यार्थीलाई आवश्यक शैक्षिक सामग्री सहज रूपमा उपलब्ध गराउनु हो । ‘नयाँ सत्र सुरु हुँदा अभिभावकलाई कपी, कलम र अन्य स्टेशनरी सामग्री किनमेलमा झन्झट हुन्छ। हाम्रो अफरले त्यो समस्या केही हदसम्म कम गर्ने विश्वास लिएका छौं’, उनले भने । नारायणगढको शहीद चोकबाट करिब ५० मिटर अगाडि बेलचोक जाने सडक मार्गमा रहेको जिएच इन्टरप्राइजेजले ल्याएको यो विशेष अफर वैशाख महिनासम्म लागू हुने जनाइएको छ ।

यस अफरले विद्यार्थी र अभिभावक दुवैमा नयाँ शैक्षिक सत्रप्रति थप उत्साह र जाँगर बढ्ने विश्वास लिएको छ । नयाँ शैक्षिक वर्षको सुरुवातसँगै आवश्यक शैक्षिक सामग्री सुलभ मूल्यमा तथा अतिरिक्त उपहारसहित प्राप्त हुने भएपछि विद्यार्थी तथा अभिभावकबाट राम्रो प्रतिक्रिया आउने अपेक्षा गरिएको सञ्चालक घिमिरेले बताए । नयाँ शैक्षिक सत्रलाई लक्षित गर्दै ल्याइएका यस्ता योजनाले विद्यार्थीलाई अध्ययनतर्फ आकर्षित गर्नुका साथै अभिभावकको आर्थिक भार पनि केही कम गर्न सहयोग पुग्ने विश्वास गरिएको छ ।