अखबार नेपाल ट्रेन्डिङ

काठमाडौं:  सामाजिक सुरक्षा कोष बिरुद्द देशब्यापी रुपमा बैंकका कर्मचारीहरु आजदेखि सडकमा उत्रिएका छन् । बैंकका कर्मचारीहरुले अगाडी सारेको १५ बुंदे मागलाई बेवास्ता गर्दै पेलेर अगाडी बढेकाले सामाजिक सुरक्षा बिरुद्द आजदेखि सडकमा उत्रिएका हुन् ।

आफु कार्यरत कार्यलयको अगाडी निधारमा कालोपट्टि बाँधेर तथा बिरोधको कारण लेखिएका ब्यानर देखाएर हिजोसम्म आन्दोलन गरिरहेका बैंकका कर्मचारीहरुले आजदेखि आफ्नो केन्द्रिय कार्यलयदेखि दरबार मार्गसम्म सडक र्याली गरेर सामाजिक सुरक्षा कोष बिरुद्दको आन्दोलनको स्वरूप बदले र सडकमा नै उत्रिएका हुन् ।

आजदेखि सुरु भएको फरक शैलीको आन्दोलनमा यस अगाडी सहभागी भएका सबै बैंकहरु सहभागी भएका छन् । माछापुछ्रे बैंक, सिद्दार्थ बैंक, कुमारी बैक, बैंक अफ काठमान्डु लगायतका बैंकका कर्मचारीहरुले आफ्नो केन्द्रिय कार्यलयदेखि दरबारमार्गसम्म सडक र्याली गरेका छन् । बैंकका कर्मचारीहरुले दरबारमार्ग र न्युरोडमा संयुक्त आन्दोलन समेत गरेका छन्।

बैंक, बित्त, बीमा तथा सहकारीका कर्मचारीहरुले बिभिन्न १५ बुंदे माग राखेर सामाजिक सुरक्षा कोष बिरुद्द आन्दोलन सुरु गरेका हुन्। आफुहरुको माग सम्बोधन गर्नुको साट्टो उल्टै पेलेर जाने रणनीति अख्तियार गरेकाले कोष बिरुद्द आफुहरु आन्दोलनमा जान बाध्य भएको कर्मचारीहरुले जनाएका छन् ।

बैंकका कर्मचारीहरुले आफुहरुले खाईपाई आएको सेवा सुविधाको कटौती नहुने कुराको ग्यारेन्टी ऐन मार्फत नै हुनुपर्ने, संचय कोष बापतको पैसा एकमुष्ट फिर्ता पाउनुपर्ने, आफुले जम्मा गरेको पैसा फिर्ता पाउनलाई अहिले बिध्यमान व्यवस्था संसोधन हुनुपर्ने, पेन्सन, उपचार तथा बीमाको व्यवस्थालाई संसोधन गर्नुपर्ने लगायतका मागहरु राखेका छन् ।

आफुहरुको माग सम्बोधन गर्नुको साट्टो झनै पेलेर जाने संदेश दिंदै सामाजिक सुरक्षा कोषले २०७८ असार मसान्त भित्र अनिवार्य रुपमा कोषमा दर्ता हुनलाई निर्देशन दिएपछि बैंकका कर्मचारीहरुले अदालत गुहारेका हुन्।

सामाजिक सुरक्षा कोष बिरुद्द अदालतमा दायर रिट उपर अदालतले अन्तरिम आदेशको साट्टो दुवै पक्षलाई बहसका लागि बोलाएपछि बैंकका कर्मचारीहरुको आन्दोलन चर्किएको हो। बैंकका कर्मचारीहरुले कार्यालय खुल्नु अगाडी बिहान ९ बजेर ३० मिनेट देखि ९ बजेर ४५ मिनेटसम्म निधारमा कालो पट्टि बाँधेर आन्दोलन गरेका हुन्।

यो पनी पढ्नुहोस् :

ज्योति विकास बैंक र नेपाल फर्निचर तथा फर्निसिङ्ग उद्यमी महासंघबीच सम्झौता