अखबार नेपाल ट्रेन्डिङ

एजेन्सीः इटली युरोकप २०२० मा बेल्जियमलाई पराजित गर्दै सेमिफाइनलमा प्रवेश गरेको छ ।

दोस्रो क्वाटरफाइनलमा बेल्जियममाथि २-१को जित निकाल्दै अन्तिम चारमा स्थान बनाएको हो ।
जर्मनीको म्युनिकमा सम्पन्न खेलमा १३औं मिनेटमै इटलीका लियोनार्दो बोनुचीले गोल गरेका थिए ।

भिएआरको साहयतामा अफसाइड भएको भन्दै गोललाई मान्यता दिएन ।

बेल्जियममाथि हावी भएको इटलीले ३१औं मिनेटमा मार्को भेराटीको पासमा निकोलो बरेलाले गोल गर्दै इटलीलाई खेलमा १–०को अग्रता दिलाए ।

४४औं मिनेटमा लरेन्जो इनसिग्नेले गोल गर्दै इटलीको अग्रता दोब्बर पारे ।

पहिलो हाफको इन्जुरी समयमा बेल्जियमका लागि रोमेलु लुकुले पेनाल्टीमा एक गोल फर्काए ।

दोस्रो हाफमा बेल्जियमले केही बराबरी गोल फर्काउने मौकाहरु सिर्जन गरेपनि सफल हुन सकेन ।

बेल्जियममाथि जित हातपारेसँगै इटलीले अपराजित यात्रालाई ३२ खेलसम्म पुर्यारुएको छ ।

इटली युरोकप २०२० को संस्करण युरोकपमा इटलीले लगातार पाँच खेल जितिसकेको छ ।

जसमा ११ गोल गर्दा जम्मा २ गोल मात्र बेहोरेको छ ।

अब फाइनल पुग्न इटलीले स्पेनसँग प्रतिस्पर्धा गर्नेछ ।

यो पनि पढ्नु होस्:

युरोकप २०२०मा स्पेन सेमिफाइन पुग्ने पहिलो टिम