अखबार नेपाल ट्रेन्डिङ

काठमाडौं:  ग्लोबल आइएमई बैंकले ८.०१ प्रतिशत ब्याजदर उपलब्ध गराउने भएको छ । एक वर्ष वा सोभन्दा माथि मुद्दती बचत खातामा ग्राहकहरुलाई ग्लोबल आइएमई बैंकले ८.०१  प्रतिशतसम्म ब्याजदर उपलब्ध गराउने भएको हो ।

असार १ गतेदेखि लागू हुने गरी प्रकाशित बैंकको नयाँ ब्याजदर अनुसार बैंकको मुद्दती बचत खातामा बचत गर्दा उच्चतम् ८.०१ प्रतिशतसम्म ब्याज पाइने भएको छ । ग्लोबल आइएमई बैंकको मोबाइल बैंकिङ् र ईन्टरनेट बैंकिङ् प्रयोग गरी घरबाट नै मुद्दती खाता खोल्न सकिनेछ ।

बैंकले आफ्ना ग्राहकहरूलाई निक्षेपमा उच्चतम् प्रतिफल, कर्जामा विशेष सहुलियत र व्यक्ति विशेष सेवा उपलब्ध गराउँदै आएको छ । सबैका लागि बैंक भन्ने नारालाई सार्थकता दिँदै बैंकले २४ लाख भन्दा बढि ग्राहकहरु माझ सेवा प्रदान गर्दै आइरहेको छ ।

ग्लोबल आइएमई बैंकले मुलुकभर तथा मुलुक बाहिर गरी सबै क्षेत्र र वर्गसम्म बैंकिङ्ग सेवाको पहुँच पुर्याउने उद्देश्यले ७ वटै प्रदेश तथा ७६ जिल्लामा बैंकको २७३ शाखा, २४७ एटीएम, २५७ शाखा रहित बैंकिङ्ग सेवा, ४७ एक्सटेन्सन तथा राजश्व संकलन काउन्टर तथा ३ वटा वैदेशिक प्रतिनिधि कार्यालयसमेत गरी करिब ८०० सेवा केन्द्रबाट २२ लाख भन्दा बढि ग्राहकलाई सेवा प्रदान गरिरहेको छ ।

त्यसैगरी बैंकले संयुक्त राज्य अमेरिका, संयुक्त अधिराज्य, क्यानाडा, अष्ट्रेलिया, मलेसिया, दक्षिण कोरिया, जापान, साउदी अरेबिया, कतार, युएई, बहराइन, कुवेत, भारत, जोर्डन, हबकब लगायतका मुलुकबाट रेमिट्यान्स भित्र्याउँदै देशको अर्थ व्यवस्थामा महत्वपूर्ण योगदान पुर्याउँदै आइरहेको छ ।

यो पनी पढ्नुहोस् :

एनएमबि बैंकले मनाङका बाढी प्रभावितलाई स्वास्थ्य सामग्री वितरण