अखबार नेपाल ट्रेन्डिङ

काठमाडौं:  सांग्रीला डेभलपमेन्ट बैंकले निषेधाज्ञाको बेलामा आफ्ना ग्राहक तथा  सेवाग्राहीहरुले सहज र सुलभ ढंगले सेवा पाउन् भन्ने उद्देश्यले विभिन्न क्षेत्रका लागि सम्पर्क व्यक्ति तोकेको छ । निषेधाज्ञा अवधिमा बैंकका ग्राहकहरुले आधारभूत बैंकिङ सेवा लिन कुनै कठिनाई भोग्नु परे वा कुनै समस्या आएमा सहजीकरणका लागि समन्वयकर्ताहरु तोक्ने काम गरिएको हो ।

सांग्रीला डेभलपमेन्ट बैंकले काठमाडौं उपत्यकाका विभिन्न शाखाका लागि विभिन्न सम्पर्क व्यक्ति तोकेको छ भने प्रदेशस्तरमा पनि समन्वयकर्ता छनौट गरी नाम र सम्पर्क नम्बरको सूची सार्वजनिक गरेको छ ।

काठमाडौं उपत्यकाका लागि विभिन्न शाखामा कुल १९ जना सम्पर्क व्यक्ति तोकेको छ । यस्तै, प्रदेश नम्बर १ का लागि २ जना, प्रदेश नम्बर २ का लागि २ जना, भरतपुर क्षेत्रका लागि २ जना, मकवानपुर क्षेत्रका लागि एकजना, बुटवल क्षेत्रका लागि एकजना, बाग्लुङ क्षेत्रका लागि एकजना सम्पर्क व्यक्ति तोकेको छ ।

त्यसैगरि, नेपालगञ्ज क्षेत्रका लागि ३ जना, दाङ क्षेत्रका लागि एकजना, गोरखा क्षेत्रका लागि २ जना, कर्णाली प्रदेशका लागि एकजना, सुदुरपश्चिम क्षेत्रका लागि २ जना र पोखरा क्षेत्रका लागि २ जना सम्पर्क व्यक्ति तोकेको छ ।

यो पनि पढ्नुहोस् :

नेपाल राष्ट्र बैंकले अर्थतन्त्रको पुनरुत्थानकालागि सहुलियत दिने