काठमाडौं:  नेपालमा पनि कोरोना भाइरसको ‘डबल म्युटेन्ट’ भाइरस फेला परेको छ ।

भारतका विभिन्न ठाउँमा ‘डबल म्युटेन्ट’ भेटिए पनि नेपालमा भने पहिलो पटक फेला परेको हो ।

ललितपुरका एक ५९ वर्षीय पुरुषमा कोरोनाको यो भाइरस फेला परेको इपिडिमियोलोजी तथा रोग नियन्त्रण महाशाखाका निर्देशक डा कृष्ण पौडेलले बताएका छन् ।

महाशाखाका अनुसार ललितपुरका ५९ वर्षका पुरुषमा डबल म्युटेन्ट भेरियन्ट पुष्टि भएको छ ।

नेपालमा देखिएको भाइरस भारतबाट आएको हो वा नेपालमा नै म्युटेन्ट भएको हो भन्ने विषयमा थप अध्ययन भइरहेको इडिसिडीले जनाएको छ ।

के हो ‘डबल म्युटेन्ट’ ?

एउटै भाइरसमा वास्तविक स्वरुप परिवर्तन भई बनेको दुई प्रकारको स्वरुप देखिनुलाई ‘डबल म्युटेन्ट’ भनिन्छ ।

यसमा एकै भाइरसको स्वरुप दुई प्रकार देखिने गर्छ । जुन कोरोनाको होल जिन स्वीक्वेन्सिङबाट पत्ता लाग्छ ।

डबल म्युटेन्ट भेरियन्टहरु तीव्र रुपमा फैलने र रोगप्रतिरोधात्मक क्षमता धेरै भएको हुन सक्छ । अहिले भारतमा देखिएको नयाँ भेरियन्ट पनि यस्तै छ भनिएको छ ।

नयाँ वर्षको पहिलो दिन पाँच लाखले गरे श्री पशुपतिनाथको दर्शन