काठमाडौं:  मेलवर्नमा आगामी मार्च २७ देखि टी १० क्रिकेट प्रतियोगिता हुने भएको छ । मेलवर्नमा छरिएका क्रिकेट खेलाडी र प्रतियोगितालाई एकजुट बनाउन भिक्टोरियन नेप्लीज क्रिकेट संघले प्रतियोगिता आयोजना गर्ने भएको हो।

मार्च २७ र २८ मा हुने एक्सपर्ट टी १० क्रिकेट प्रतियोगितामा मेलवर्न वरपरका आठ टिमले सहभागिता जनाउने छन् । हिमालयन क्लब जाइन्टस, हिमालयन क्लब टाइटन्स, ग्लोबल इएटरफेस क्रिकेट क्लब, मेभन क्रिकेट क्लब, एक्स्पर्ट सगरमाथा ब्लुज स्टार, एक्सपर्ट सगरमाथा रेनगेड्स, रोयल राइनोज क्रिकेट क्लब र रोयल राइनोज वारियर्सको सहभागिता पक्का भइसकेको संघले जनाएको छ ।

टी १० क्रिकेट प्रतियोगिताका विजेतालाई तीन हजार अस्ट्रेलियन डलर र दोस्रो हुनेलाई पाँच सय डलर तथा ट्रफी प्रदान गरिने छ । दश ओभरको खेलका लागि संघले सबै तयारी गरिसकेको संघले जनाएको छ ।

नेपाली खेलाडीबीच आपसी भाइचारा र उदयीमान खेलाडीलाई अवसरको सृजना गर्ने उद्धेस्यले केही वर्ष अगाडि मेलवर्नमा भिक्टोरियन क्रिकेट संघको स्थापना भएको थियो ।

यो पनि पढ्नुहोस् :

‘सी’ डिभिजन लिगमा आज प्लानिङ ब्वाइज र स्वयम्भु तथा विरगंज युथ र समाज कल्याणबीच प्रतिस्पर्धा