अखबार नेपाल ट्रेन्डिङ

काठमाडौं: नेपाली कांग्रेस र जनता समाजवादी पार्टी (जसपा)को बैठक सकिएको छ ।

कांग्रेस सभापति शेरबहादुर देउवाको निवासमा आज दिँउँसो बसेको कांग्रेस र जसपा नेताहरूबीचको बैठक ठोस सहमति बिना टुंगिएको छ ।

जसपा अध्यक्ष महन्थ ठाकुरले दलहरूसँग मिलेर जाने छलफल भएको भन्दै आज केही सहमति नभएको बताए । ‘मिलेर जाने विषयमा छलफल भयो । केही सहमति भएको छैन । वृहत छलफल गर्नुपर्ने आवश्यकता छ,’ उनले भने ।

कांग्रेस प्रवक्ता विश्वप्रकाश शर्माले पनि आजको बैठकले सत्ता समीकरणको बहस प्रवेश पाएको बताए । शर्माले भने- ‘छलफल सकारात्मक भएको छ ।

प्रतिपक्षको हैसियतले भूमिका काँग्रेसले खेल्नुपर्छ भन्ने उहाँहरूको भनाइ आएको छ । भोलि माओवादीसँग पनि छलफल गर्छौ । ‘

अब कांग्रेसले अग्रसरता दिनुपर्नेमा जसपा नेताहरूबाट राय आएको उनको भनाइ छ ।

एमालेले तोक्यो सातै प्रदेशका इन्चार्ज, महाधिवेशन आगामी मंसिरमा
व्यवसायीसँग सुझाव माग्दै बजेट तयारीमा जुट्यो अर्थ मन्त्रालय