अखबार नेपाल ट्रेन्डिङ

पोखरा: प्रधानमन्त्री केपी शर्मा ओलीले आफूमाथि सांघातिक हमला हुन सक्ने आंकलन गरेका छन् ।

उनले पोखरामा सोमबार आयोजित आमसभालाई सम्बोधन गर्दै आफूमाथि भौतक रुपमै आक्रमण हुनसक्ने बताएका हुन ।

ज्यानमाथि नै आक्रमण हुन सक्ने बताउँदै प्रधानमन्त्री ओलीले आफूमाथि कसले आक्रमण गर्ने हुन भन्ने विषय भने खुलाएनन् ।

आफूमाथि चौतर्फी घेराबन्दी भईरहेको तथ्यलाई हेर्दै आफूमाथि जुनसुकै समयमा भौतिक रुपमा आक्रमण हुनसक्ने भएपनि आफूले देश र जनताको लागि कतिबद्ध भएर काम गर्ने बताएका हुन ।

भेलालाई सम्बोधनका क्रममा प्रम ओलीले ‘सम्पूर्ण रुपले ममाथि प्रहार भएको छ, अत्यन्तै तीव्र रुपमा भएको छ । शारीरिक हमला नै भयो र ज्यान तलमाथि भयो भने पनि अनौठो नमान्नुहोला,’ उनले भने ।

प्रधानमन्त्री ओलीले थपे ‘म रहिन भने पनि केही छैन, पार्टी छ । आन्दोलन छ । देश बनाउने पार्टीको भविष्य अन्धकारमा लैजान दिनुहुँदैन ।’ यसका लागि म सधै अग्रपंतीमा रहनेछु ।