अखबार नेपाल ट्रेन्डिङ

काठमाडौं: उपत्यकामा केही दिनदेखि नियमित तापक्रम घटेर आज २ दशमलव ९ डिग्रीमा झरेको छ ।

अहिले काठमाडौं उपत्यकासहित पहाडी ठाउँहरुमा सामान्य कुहिरो लागेको छ । आज सुदूरपश्चिम प्रदेशका उच्च हिमाली भेगका एक/दुई स्थानमा हल्का हिमपातको सम्भावना रहेको जल तथा मौसम विभागले जनाएको छ ।

तराईका जिल्लाहरुमा पनि अहिले बिहानबाट बिस्तारै हुस्सु र कुहिरो लाग्न सुरु भएको विभागले जनाएको छ । देशमा पश्चिमी वायुको सामान्य प्रभाव रहेकाले अहिले वाग्मती र गण्डकी प्रदेशको हिमाली ठाउँहरुमा पातलो कुहिरो लागेको छ भने बाँकी स्थानहरुमा मौसम सामान्यतया आज सफा रहेको छ ।