अखबार नेपाल ट्रेन्डिङ

काठमाडौ : प्रधानमन्त्री केपी शर्मा ओलीले सरकारविरुद्ध भईरहेको भ्रमप्रूर्ण प्रचारको पछि नलाग्न आग्रह गरेका छन् । फक्ताङलुङ गाउँपालिका– ६ घुन्सामा स्थापित सामुदायिक स्वास्थ्य एकाइ भवनको आज उद्घाटन गर्दै उनले यस्तो बताएका हुन ।

उनले कार्यक्रममा बोल्दै वर्तमान सरकारको लोकप्रियतालाई देखेर आत्तिएका विभिन्न पक्षले सरकार परिवर्तन हुने भन्दै नकारात्मक सन्देश फैलाएकोले यस्ता हल्लाको पछि नलाग्न आग्रह गरेका हुन । सरकार मुलुकको समृद्धिका लागि चौतर्फी रूपमा लागिरहेकै बेला देशको समृद्धि नचाहने मान्छे विभिन्न तत्व सरकारविरुद्ध लागेको प्रधानमन्त्री ओलीको कथन थियो ।

‘प्रधानमन्त्री ओलीले कार्यक्रममा बोल्दै छिमेकी मुलुकसँगको सम्बन्धलाई सुदृढ गर्ने नीति सरकारले लिएको पनि बताए। यस्तै छिमेकी भारतद्वारा मिचिएको भूमि फिर्ता लिन गर्न गरेको प्रयास, भारत र चीन दुबैसँगको सम्बन्धलाई अझ सुधार, बन्द नाका खोल्नेजस्ता कार्यले वर्तमान सरकार सफल हुँदै गएको ओलीको भनाई थियो ।

त्यस्तै ओलीले घुन्सा जस्तो दुर्गम गाउँ आगामी तीन वर्षमा नै सुगममा परिणत हुने बताउँदै यस क्षेत्रको विकासका लागि यातायातलगायत पूर्वाधार निर्माणमा सहयोग गर्ने प्रतिबद्धता जनाए ।

यो पनि पढ्नुहोला :

https://www.akhabarnepal.com/2020/11/19439/