अखबार नेपाल ट्रेन्डिङ

काठमाडौ : नेपाल कम्युनिष्ट पार्टी(नेकपा) को सचिवालय वैठक वालुवाटारमा शुरु भएको छ ।

नेकपाको अध्यक्ष एवम् प्रधानमन्त्री केपी शर्मा ओली र अर्का अध्यक्ष पुष्पकमल दाहाल (प्रचण्ड)बीच देखिएको आन्तरिक समयस्या साधानका लागि सचिवालय वैठक शुरु भएको हो ।

सचिवालय वैठकमा प्रधानमन्त्री ओली पनि सहभागी भएको वालुवाटार श्रोतले जनाएको छ ।

सचिवालय वैठक अघि प्रधानमन्त्री ओलीले राष्ट्रपति विद्यादेवी भण्डारीसँग सितल निवासमा छलफल गरेका थिए । प्रधानमन्त्री ओली राष्ट्रपति भण्डारीसँग छलफल गरेर वैठकमा सहभागी भएका हुन ।

यसअघिको वैठकमा प्रण्डले ओलीमागि गंभीर आरोप लगाएपछि दुई अध्यक्षबीच चिसोपन बढेको थियो ।

यसैलाई चिर्नको लागि र समस्या साधान गर्नका लागि सचिवालय वैठक केन्द्रित हुने आंकलन गरिएको छ । सचिवालय वैठक लगत्तै मन्त्रीपरिषदको वैठक प्रधानमन्त्री ओलीले बोलाएका छन् ।

सचिवालयमा प्रचण्डसँग पूर्वप्रधानमन्त्री तथा नेकपा वरिष्ठ नेताद्वय झलनाथ खनाल र माधवकुमार नेपाल तथा उपाध्यक्ष बामदेव गौतम र प्रवक्ता नारायणकाजी श्रेष्ठ प्रकाशको साथ छ ।

प्रधानमन्त्री ओलीसँग उपप्रधानमन्त्री ईश्वर पोखरेल, गृहमन्त्री राम बहादुर थापा बादल र अर्थमन्त्री तथा नेकपा महासचिव विष्णु पौडेलको साथ रहेको छ ।