अखबार नेपाल ट्रेन्डिङ

रामेछाप: रामेछाप जिल्लामा विहिबार एक जना स्वास्थ्यकर्मी सहित थप ४ जनामा कोरोना संक्रमण पुष्टि भएको छ ।

जिल्ला स्वास्थ्य कार्यालय रामेछापका जनस्वास्थ्य अधिकृत भुवन थापाका अनुसार रामेछाप नगरपालिकाका एक जना स्वास्थ्यकर्मी सहित ४ जनामा कोरोना संक्रमण पुष्टि भएको हो ।

कोरोना संक्रमित ४ जना नै क्वारेन्टाइनमा बस्दै आएका व्यक्तिहरु भएको स्वास्थ्य कार्यालयले जनाएको छ । आजै रामेछाप ठेगाना भइ काठमाडौं बसोबास गर्दै आएका थप २ जनामा पनि कोरोना संक्रमण पुष्टि भएको स्वास्थ्य मन्त्रालयले जनाएको छ ।

रामेछापमा हाल सम्म ३७ जना कोरोना संक्रमित फेला परेका छन् । जसमध्ये ३३ जना निको भएर घर फर्किएको भने  ४ जना मात्र अहिले आइसोलेसनमा रहेको स्वास्थ्य कार्यालय रामेछापले जनाएको छ ।