अखबार नेपाल ट्रेन्डिङ

रामेछाप: रामेछाप जिल्लामा कोरोना संक्रमणको जोखिम बढेको भन्दै जिल्ला प्रशासन कार्यालयले ५ दिनका लागि निषेधाज्ञा थप गर्ने निर्णय गरेको छ ।

अत्यावश्यकिय बाहेक सवै सेवा बन्द गर्न अनुरोध  गर्दै  कार्यालयले  भदौ १८ गते सम्मका लागि निषेधाज्ञा थप गर्ने निर्णय  गरेको रामेछापका प्रमुख जिल्ला अधिकारी रुद्रादेवी शर्माले बताउनु भयो । निषेधाज्ञाका समयमा मानिसहरुलाइ अनावश्यक रुपमा हिडडुल गर्न समेत निषेध गरिएको छ ।

औषधि, खाद्यान्न तथा अत्यावश्यकिय सेवा खरिद बाहेक अन्य सवैलाई रोक लगाइएको जिल्ला प्रशासन कार्यालयद्धारा जारी सूचनामा जनाइएको छ । निषेधाज्ञाका समयमा जिल्ला प्रवेशका नाकामा कडाइ गरिनुका साथै पैदल यात्रीहरुलाई पनि कडाइ गरिएको छ ।

रामेछाप जिल्लामा हाल सम्म फेला परेका ३७ जना कोरोना संक्रमित मध्ये ३३ जना निको भएर घर फर्किएका छन् भने ४ जना उपचाररत छन् । संक्रमित ४ जनामा पनि विहिबार मात्र संक्रमण पुष्टि भएको हो ।