अखबार नेपाल ट्रेन्डिङ

काठमाडौं: बुढानिलकण्ठ नगरपालिका क्षेत्र भित्र कोभिड १९ को बढ्दो संक्रमणलाई ध्यानमा राखि ५० बेडको आईशोलेसन वार्ड निर्माण हुने भएको छ ।

बुढानिलकण्ठ नगरपालिका प्रमुख उद्धव प्रसाद खरेलको अध्यक्षतामा बसेको ५५ औं कार्यपालिका बैठकले नगरपालिका क्षेत्र भित्र ५० बेडको आईशोलेसन वार्ड तयार गर्ने निर्णय गरेको छ ।

सोमबार सम्पन्न कार्यपालिका बैठकले बुढानिलकण्ठ नगरपालीका वडा नं. १० स्थीत डिठ्ठा चौरमा निर्माणाधिन क्वारेन्टाइन भवन र वडा नं २ स्थीत बीएमसीएमा आइशोलेसन वार्ड बनाउने निर्णय गरेको छ ।

आइसोलेसन निर्माण तथा व्यवस्थापनका लागि उपमेयर रमादेवी राईको नेतृत्वामा एक समिति समेत निर्माण गरिने भएको छ ।

हिजो बसेको कार्यपालिका बैठकले होम आइसोलेसनलाई व्यवस्थीत गर्न वडा अध्यक्ष वा निजले तोकेको वडा सदस्यको संयोजकत्वमा रहने गरी ३ सदस्यीय एक संक्रमीत वरावर एक व्यवस्थापन समित निर्माण गर्न लागेको हो ।

उक्त समितिको अन्य २ सदस्यमा एक जना स्वास्थ्यकर्मी र एकजना संक्रमीतको सहयोगीको रुपमा स्थानीयलाई समेत राखिने भएको छ ।