अखबार नेपाल ट्रेन्डिङ

काठमाडौं: माछापुच्छ्रे बैंकले नेपाल चार्टड एकाउन्टेन्ट संघ (एक्यान) आवद्ध सदस्यहहरुलाई बिशेष बैंकिङ्ग सेवा प्रदान गर्ने भएको छ । यस सम्बन्धमा आईतबार बैंक र एक्यानबीच सम्झौता भएको छ ।

द्विपक्षीय समझदारी पत्र अनुसार एक्यानका सदस्यहहरुलाई सरल तरिकाबाट बिना धितोमा प्रोफेशनल कर्जा प्रदान गरिनेछ ।

सम्झौतापत्रमा नेपाल चार्टर्ड एकाउन्टेन्ट्स संघको तर्फबाट अध्यक्ष आनन्द राज शर्मा वाग्ले र माछापुच्छ्रे बैंकको तर्फबाट प्रमुख कार्यकारी अधिकृत सन्तोष कोइरालाले हस्ताक्षर गर्नु भएको छ ।

सम्झौता पछि संघका लगभग २ हजार ४ सय सदस्यहरुलाई बैंकले बिशेष प्राथमिकतामा राखेर बैंकिङ्ग सेवा प्रदान गर्नेछ ।

सम्झौता भएसंगै माछापुच्छ्रे बैंकले नेपाल चार्टर्ड एकाउन्टेन्ट्स सघंका सदस्यहरुलाई निक्षेप खाता, कर्जा तथा अन्य बैंकिङ्ग सुबिधाहरुमा बिशेष सहुलियत प्रदान गर्नेछ ।

कोरोना महामारीका कारण वित्तीय क्षेत्रमा उत्पन्न शिथिलताबाट व्यवसायलाई पूर्ववत् अवस्थामा फर्काउन लेखा व्यवसायीको महत्वपूर्ण योगदान हुने हुँदा चार्टर्ड एकाउन्टेन्टको सहजताकालागि विभिन्न बैंक तथा बित्तिय संस्था संग छलफल भैरहेको संघका उपाध्यक्ष सीए रमेश धितालले जानकारी दिए ।