अखबार नेपाल ट्रेन्डिङ

काठमाडौं: उच्च अदालत पाटनले लगानी बोर्डको प्रमुख कार्यकारी अधिकृतमा सुशील भट्टलाई नियुक्त गर्ने निर्णय कार्यान्वयन नगर्न अल्पकालीन अन्तरिम आदेश दिएको छ ।

अभिवक्ता जयबहादुर भुजेलले प्रधानमन्त्री तथा मन्त्रिपरिषद कार्यालय र बोर्डमा सीईओ नियुक्तीका लागि गठन गरिएको सिफारिस समितिलाई विपक्षी बनाई दायर गरेको रिटमा सुनुवाई गर्दै उच्च अदालतका मुख्य न्यायधीश नहकुल सुबेदीको इजलासले अन्तरिम आदेश दिएको हो ।

मन्त्रिपरिषदले साउन १९ मा लगानी बोर्डमा भट्टलाई सीईओ नियुक्त गरेको जनाएको थियो । यो निर्णयसँगै एजेन्टलाई सीईओमा नियुक्त गरिएको भन्दै उक्त निर्णयको विरोध भएको थियो ।