अखबार नेपाल ट्रेन्डिङ

काठमाडौं: नेपाली कांग्रेस भातृ संगठन नेपाल विद्यार्थी संघले त्रिभुवन विश्व विद्यालय उपकुलपति रजिष्ट्रारको कार्यालयमा तोडफोड गरेका छन् ।

विश्वविद्यालयका तीन कार्यालय र उपकुलपति कार्यालयको गाडीमा नेविसंघका विद्यार्थीहरुले ढुङ्गामुडा गरेको प्रहरीले जनाएको छ । ढुङ्गामुडा प्रहारबाट कार्यालयका झ्यालका सिसा फुटेका छन् भने गाडीमा पनि क्षति पुगेको प्रहरीले जानकारी दिएको छ ।

आफूले राखेका मागहरु पुरा नगरेको र पाटन अस्पतालमा आफ्ना नेता विरुद्ध उजुरी दिएका कारण तोडफोड गरेको नेविसंघले बताएको छ ।

उपकुलपतिको कार्यालयमा ताला खोल्ने विषयमा विश्वविद्यालयले उच्च अदालत पाटनमा नेविसंघका त्रिवि समिति सचिव योगेन्द्र रावल विरुद्ध मुद्दा दायर गरेको थियो । पाटन अस्पतालले ताला खोल्न अनुमति दिएपछि ताला खोलिएको बताइएको छ ।

तोडफोड गरेको आरोपमा प्रहरीले नेविसंघका ७ कार्यकर्तालाई पक्राउ गरेको छ । नेविसंघ केन्द्रीय समितिका अनुसार सम्झना खत्री, सञ्जय चौधरी, हरिप्रसाद जोशी, रामबहादुर थामी, रमेश कुँवर, विष्णु बडैला र मनोज कुँवर पक्राउ परेका छन् ।