अखबार नेपाल ट्रेन्डिङ

काठमाडौं: महोत्तरी सहितका मध्यपूर्वी तराईमा क्षेत्रमा गत बिहिबारदेखि परेको मुसलधारे वर्षाका कारण जनजीवन अस्तव्यस्त बनेको छ ।

बिहिबारदेखि परेको मुसलधारे वर्षाका कारण महोत्तरीको रातु, बडहरि, अङ्कुशी, मरहा, जङ्घा, भब्सी र बाँके लगायतका नदीमा उर्लेको बाढीको पानी गाउँ नगर बस्तीमा पसेपछि जताततै जलाम्य बनेको हो । त्यस्तै पानी बढ्दै जाँदा जिल्लाका मुख्य सडकहरु जलेश्वर–मटिहानी, जलेश्वर–बर्दिवास, सम्सी–रामगोपालपुर–लोहारपट्टी–जनकपुर र जलेश्वर–रौजा–बर्दिवासमा यातायातका साधन चल्ने अवस्था छैन ।

जिल्लाका नदीहरूमा जलस्तर बढेसँगै उत्तरी क्षेत्रमा कटान र मध्य एवं दक्षिणी क्षेत्रमा डुबान बढेसंगै कतिपय स्थानमा नदीको तटबन्ध फुट्न शुरु भएसंगै जिल्लाका ४० भन्दा बढी बस्ती बाढीको उच्च जोखिममा रहेको जिल्ला समन्वय समिति महोत्तरीका संयोजक सुरेशप्रसाद सिंहले बताउनुभयो ।