अखबार नेपाल ट्रेन्डिङ

एजेन्सीः ईङ्गलिश प्रिमियर लिगमा म्यान्चेस्टर सिटीले सानदार जित निकालेको छ ।

ब्राईटनको घरेलु मैदानमा शनिबार राति भएको खेलमा सिटीले ब्राईटनलाई ५–० गोलको फराकिलो अन्तरमा हराएको हो । पछिल्लो तीन अवे खेल गुमाएको सिटीले ब्राईटनबिरुद्ध निकै स्तरीय खेल प्रदर्शन गर्यो ।

यो सिजन सिटीका लागि खेलेको सबै प्रतियोगिता गरी २७ गोल गरेका स्टर्लीङ्गले ब्राईटनलाई खेलको कुनैपनि समयमा प्रतिस्पर्धाको मौका दिएनन् । सिटीको शानदार जितमा स्टर्लीङ्ग बाहेक ग्याब्रियल जिजस र बर्नार्डो सिल्भाले एक एक गोल गरे ।

खेलको २१औं मिनेटमा स्टर्लीङ्गले सिटीको खाता खोले भने पहिलो हाफ सकिन एक मिनेट अघि जिजसले गोल गर्दै पहिलो हाफमा २–० को अग्रता दिलाए । पहिलो हाफमा दुई गोल गरेको सिटीले ब्राईटनमाथि दोश्रो हाफमा थप तीन गोल गार्यो । ५३औं मिनटमा पुन ब्यक्तिगत दोश्रो गोल गर्दै स्टर्लीङ्गले ३–० मा पुर्याए ।

यस्तै ८१औं मिनटमा पुन स्टर्लीङ्गले गोल गर्दै आफ्नो ह्याट्रिक पुरा गर्दै सिटीले ५–० को जित दिलाए । जितसँगै दोश्रो स्थानको सिटीको ३५ खेलमा ७१ अंक भएको छ । तेश्रो स्थानमा रहेको चेल्सी गएराति नै भएको अर्को खेलमा सेफिल्ड युनाईटेडसँग ३-० ले पराजित भएको थियो । उसको ३५ खेलमा ६० अंक छ ।