अखबार नेपाल ट्रेन्डिङ

काठमाडौं: नेपाल कम्युनिस्ट पार्टीका अध्यक्ष पुष्पकमल दाहाल र राष्ट्रपति विद्यादेवी भण्डारीबीच भेटवार्ता भएको छ । सरकारले संघीय संसद् अधिवेशन अन्त्यको सिफारिस गरेको डेढ घण्टा नबित्दै राष्ट्रपति भण्डारीलाई भेट्न दाहाल शीतल निवास पुगेको राष्ट्रपति कार्यालय स्रोतले जनाएको छ ।

पार्टी अध्यक्ष एवं प्रधानमन्त्री केपी शर्मा ओलीसँग बालुवाटारमा भएको छलफलपछि दाहाल राष्ट्रपतिलाई भेट्न शीतल निवास पुगेका हुन् । दाहालले भेटवार्तमा विकसित राजनीतिक घटनाक्रम र त्यसको निकासबारे छलफल गरेको राष्ट्रपति कार्यालय निकट स्रोतले जनाएको छ ।