अखबार नेपाल ट्रेन्डिङ

एजेन्सीः ईङ्ग्लिश प्रिमियर लिगमा म्यान्चेस्टर युनाईटेडले जित निकालेको छ । ब्राईटनको घरेलु मैदान फाल्मर स्टेडियममा म्यान्चेस्टर युनाईटेडले ३–० को फराकिलो जित निकालेको हो । यो जितसँगै म्यान्चेस्टर युनाईटेडले प्रिमियर लिगमा एक स्थान उक्लदै आफ्नो शिर्ष चारको दौडलाई जारी राखेको छ ।

म्यान्चेस्टर युनाईटेडको महत्वपूर्ण जितमा मेसन ग्रिनउडले एक र ब्रुनो फर्नान्डेजले दुई गोल गरे । खेलको १६औं मिनटमा ग्रिनउडले गोल गर्दै म्यान्चेस्टर युनाईटेडलेलाई पहिलो अग्रता दिलाए । यसपछि २९औं मिनटमा पोल पोग्बाको सटिक पासमा फर्नान्डेजले गोल गर्दै रेड डेभिल्स्लाई दोश्रो अग्रता दिलाए ।

पहिलो हाफमा २–० को अग्रता बनाएको म्यान्चेस्टर युनाईटेडले दोश्रो हाफमा म्यान्चेस्टर युनाईटेडका लागि फर्नान्डेजले गोल गर्दै ३–० को जित सुनिश्चित गरे । जितसँगै म्यान्चेस्टर युनाईटेड ३२ खेलमा ५२ अंक जोड्दै एक स्थान उक्लदै पाँचौ स्थानमा आएको छ । म्यान्चेस्टर युनाईटेडले चौथो स्थानमा रहेको चेल्सीसँगको अंक दूरी २ मा घटाएको छ । यता हारको सामना गरेको ब्राईटनको ३२ खेलमा ३३ अंक छ । ब्राईटन १५औं स्थानमा छ ।